Clwb Gwyddoniaeth Cymer

Clwb Gwyddoniaeth wedi Dychwelyd!

2011-01-13T22:26:00.003Z

Gwnaethom ailgychwyn y clwb eleni ar ddydd Mawrth. Dechreuom gydag arbrawf 'ysgrifen tân'.

Diolch i Dr Dyfrig Thomas, Mr. Alan Davies, Luke Williams a Katie Rumble. Bydd Miss Eleri Lloyd yn cymryd yr awennau yr wythnos nesaf.

5 Diwrnod i Fynd!!!!

2011-01-06T23:59:00.002Z

Wel, o'r diwedd rydym yn barod i ailgychwyn y Clwb Gwyddoniaeth.

Bydd yn dechrau ar Ddydd Mawrth.

Gwelwch eich athro gwyddoniaeth am fanylion pellach.

Bydd angen llythyr caniatâd arnoch.

Croeso i bawb o flwyddyn 7.

Er, 'dyw hi ddim yn bosib i gynnal Clwb i Fl.8 ar hyn o bryd, rydym yn gobeithio cynnig rhai gweithgareddau yn fuan. Gwnewch dderbyn wybodaeth gan eich athrawon.

Darlithau'r Nadolig

2010-12-29T21:51:00.004Z

Mae'r Gyfres ar gael ar iPlayer y BBC:

1. Why Elephants Can't Dance

2. Why Chocolate Melts and Jet Engines Don't

3. I ddod yfory: 20:00 ar BBC4.

Yn ogystal â hyn mae sawl rhaglen arall ar gael, gan gynnwys Wonders of the Solar System:

1. Empire of the Sun

2. Order Out of Chaos

3. The Thin Blue Line

Explorer Dome

2010-10-05T17:12:00.004+01:00

Daeth Explorer Dome i'r Cymer heddiw i adloni, diddori ac addysgu rhai dosbarthiadau Blwyddyn 9 a 10. Gyda chymorth EBP, daeth Jim a Louis i gyflwyno hanes ein planed, gan esbonio'i darddiad, symudiad dwr a chreigiau, cyfansoddiad yr atmosffer a newidiadau dros amser. Hefyd cawsom wybodaeth ar esblygiad organebau byw o'r bacteria cyntefig i'r bodau sydd yn rhannu'r Ddaear gyda ni heddiw.

Hoffwn ddiolch i Angela o EBP a Jim a Louis o Explorer Dome am ddiwrnod i'w gofio.

Thank you to Angela, Jim and Louis for a day to remember.

Datgelu Cyfrinachau Cemeg

2010-09-16T17:06:00.004+01:00

Diwrnod i'w gofio lawr yng Nghaerdydd dydd Gwener diwethaf. Cynhaliwyd gweithgareddau ar gyfer myfyrwyr Bl.13, gan gynnwys darlithoedd, abrofion ac arddangosfeydd.

Yn dilyn darlith ar echdynnu a syntheseiddio cemegau, cafodd y myfyrwyr gyfle is gynhyrchu limonen, olew anghenraid a ddaw o groen ffrwythau sitrig, gan y broses distylliad ager. Yna gwnaethant gynnal nifer o brofion adnabod ar amryw o gemegau organig - pwysig iawn ar gyfer y modiwl CH4. Ar ôl cinio cafodd y myfyrwyr ddarlith ar sbectrosgopeg CMN (NMR), is-goch a màs, gyda cwis difyr i orffen y sesiwn.

Gwnaeth arolygwyr yr adran dywys y myfyrwyr o gwmpas labordai arbennig lle roedd gwaith CMN a sbectrosgopeg màs yn digwydd.

Hoffwn ddiolch i Peter Hollamby, Eurig Thomas a'r Adran Gemeg, Prifysgol Caerdydd am drefnu'r diwrnod.

Croesawu Blwyddyn 6

2010-06-29T21:28:00.002+01:00

O! Dyna le! Awtopsi yn y labordy a gwaith CSI yn dilyn. Pleser oedd croesawu ein blwyddyn 6 heddiw. Cafodd pawb amser da - gan gynnwys yr athrawon.

Cymerodd y disgyblion rhan mewn llawer o weithgareddau fforensig, gan gynnwys canfod gwaed, adnabod olion bysedd, canfod lliwurau mewn inc, profion fflam ar ystod o wenwwynau a phrofi asidedd pridd ar esgidiau'r drwgdybwyr.

Cafwyd Y Parchedig Gwyrdd yn euog o'r drosedd!

[posib bydd lluniau a fideo yn ymddangos os cawn hawl]

Hoffwn ddiolch i aelodau o'r chweched dosbarth am eu gwaith caled. Ni fyddai modd cynnal gweithgareddau o'r math hebddoch chi! Diolch o'r galon.

Nôl o'r Diwedd!

2010-06-27T10:21:00.002+01:00

Wel, mae wedi bod yn amser hir gyda'r arholiadau allanol.

Cafodd ein brainiacs dipyn o sioc heddiw - yn llythrennol! Gwnaethom ymchwilio'r generadur van der Graaf.

Ysgrifen Cudd

2010-03-13T15:34:00.002Z

Gan ddefnyddio ffenolffthaein fel inc a nwy amonia fel datblygydd, roedd modd anfon negeseuon cudd rhwng y Brainiacs.

Diffoddwyr Tân

2010-03-13T15:28:00.002Z

Gwnaethon adeiladu diffoddwyr tân allan o gwpwl o gemegau. Fflat oedd y canlyniad tan bo ychydig o bucket chemistry yn cymryd drosodd. Yna llwyddiant! Ar ôl dwy awr o lanhau, roedd y lab yn edrych yn weddol. Diolch i bawb a wnaeth gyfrannu.

Tywydd Garw Eto!

2010-02-24T07:35:00.002Z

Yn dilyn problemau eira (eto!), nid oedd modd cynnal clwb ar ddydd Mawrth. Bydd y clwb yn cwrdd fel arfer ar ddydd Iau.

Gwresogyddion Dwylo

2010-02-21T17:15:00.004Z

Byddwn yn edrych ar adweithiau cemegol sydd yn rhyddhau gwres. Ein swydd bydd i ddarganfod pa sylweddau yw'r gorau er mwyn twymo'r dwylo ar ddiwrnod gaeafol. Brrrr!

Fideos Chwefror

2010-02-09T15:27:00.002Z

Tyler Lewis a Celyn Jones
Pŵer

Llofruddiaeth Dr. Du

2010-02-02T23:19:00.008Z

Gwnaeth y criw ymchwilio i ddulliau fforensig er mwyn dod o hyd at lofrudd. Cafodd gwenwyn ei ddarganfod mewn corff Dr. Du. Roedd 5 drwgdybiwr i'w profi. Cafodd y llofrudd ei ddal gan ddull prawf fflam.

Dr. Du's murderer was discovered using forensic techniques. The 'perp' was eventually found - a dirty rotten lithium poisoner.

Tân Gwyllt a Gwenwyn Lucrezia

2010-02-01T17:10:00.007Z

Gweld bod y tywydd oer yn parhau, beth am weithgaredd i dwymo pethau lan? Byddwch yn derbyn samplau anhysbys o gemegau a gafodd eu darganfod o gwmpas yr ardal trosedd. Eich swydd chi yw eu hadnabod a rhoi'r bys ar y drwgweithredwr.

Enillydd y Gystadleuaeth Fideo

2010-01-30T20:28:00.002Z

Yn dilyn llawer fawr o bendroni, dewiswyd ar enillydd.

Llongyfarchiadau i Ben Owen. Caiff gwobr ei chyflwyno yn fuan a bydd ei fideo yn ymddangos ar frig y blog hwn trwy gydol mis Chwefror.

Congratulations to Ben Owen for winning February's Title Video prize.

Twît Twît a "Helo Ffowcs"

2010-01-27T10:35:00.009Z

Gallwch nawr ein dilyn ar Twitter: @AlCemegol

You can now follow Club updates on Twitter: @AlCemegol

Gwnaethom dreialu'r darllediad byw ddoe a gwnaeth weithio i'r dim - wel bron. Y cam nesaf yw sicrhau ein bod yn gallu cysylltu camera digidol o safon yn hytrach na'r webcam.

The live feed was successfully trialled yesterday. Our next step is to try and connect a high quality digital camera as opposed to a webcam.

Cymysgeddau Isotropig

2010-01-26T22:33:00.006Z

Wel dyna enw posh! Ha - dim ond blawd corn a dŵr! 'Dwi methu â chofio chwerthin cymaint ers oesoedd!

Mae cymysgeddau isotropig yn caledu wrth iddynt gael eu hysgwyd a gwasgu'n gyflym. Yna wrth atal yr ysgwyd, maent yn meddalu eto ac yn llifo trwy'r bysedd. Tro ar ôl tro ar ôl tro.

Diolch yn fawr i Katie Rumble unwaith eto am ei chefnogaeth.

Isotropic mixtures harden when shaken or 'kneaded'. They revert to liquid form on standing and slip through the fingers. Probably the funniest session yet - I can't remember the last time I laughed this much.

Fideos ar y Ffordd!

2010-01-22T23:05:00.005Z

Dyma Fideos ein Brainiacs

"Area 51 Element 115"

gan Ben Owen

"Jeli Tedi"

gan Tyler Lewis

Os hoffech gyfrannu, ewch at bost animoto

Y Stwff Gwyn

2010-01-11T22:01:00.003Z

Yn anffodus, oherwydd y tywydd garw, bydd angen gohirio'r Clwb cyntaf tan yr wythnos nesaf. Bŵ, his! Felly dechrau nôl ar ddydd Mawrth 26fed o Ionawr.

Animoto

2010-01-07T00:23:00.011Z

Iawn Brainiacs! Eich cyrch, os ydych am ei dderbyn, yw creu fideo 30 eiliad am unrhyw agwedd o wyddoniaeth. Bydd gwobr am yr un gorau a chaiff ei osod ar frig y dudalen hon dros fis Chwefror.

1) Cofrestrwch ar http://animoto.com gyda chaniatâd rhiant.
2) Casglwch luniau (a/neu clipiau fideo) a'u lanlwytho i'r safle.
3) Dewiswch gerddoriaeth i fynd gyda'r clip.
4) Postiwch yr 'url' fel sylw i'r post hwn,

e.e. Clip Alan Davies: http://animoto.com/play/yc5gfYNOYRv20rqvLf29Lg

Cafodd y fideo ar frig y dudalen hon ei greu gan animoto. Simples. Ttchh.

Cofiwch - unrhyw beth i wneud gyda gwyddoniaeth, e.e. y gofod, anifeiliaid, planhigion, arbrofion, ffrwydradau, llosgfynyddoedd ac yn y blaen.

Bydd y gystadleuaeth yn cau ar ddydd Gwener, 29ain o Ionawr, 2010.

This is a competition open to all Year 7 pupils. Open an animoto.com account (with parent's permission of course), create a 30 second video on any aspect of science. Enter the pupil's name and URL as a comment ('sylw' below) to this post. Closing date: Friday, 29/1/2010. A prize will be awarded for the best entry, and will feature as February's headline video on this blog.

Fideo i ddangos sut i roi'r ddolen yn y sylw / How to place the video link in the comments section

Clwb Cyntaf

2010-01-04T15:48:00.006Z

Bydd y sesiwn cyntaf y flwyddyn yn digwydd ar y 12fed o Ionawr.
Rhywbeth i'w wneud yn y cyfamser:

Jig-so Clwb yn Ffradach!

Crogi Offer y Labordy!

Teledu ac i-Teledu dros y Gwyliau

2009-12-21T18:26:00.015Z

Os ydych am wylio stwff cŵl dros y 'Dolig. Rholiwch dros y ddolen i weld crynodeb o rai o'r sioeau:

More4

Royal Institution Christmas Lectures

Darlith #1 [More4 Rhagfyr 21 1900], 4Player (27 diwrnod yn weddill)

Darlith #2 [More4 Rhagfyr 22 1900], 4Player (28 diwrnod yn weddill)

Darlith #3 [More4 Rhagfyr 23 1900], 4Player (29 diwrnod yn weddill)

Darlith #4 [More4 Rhagfyr 24 1900], 4Player (29 diwrnod yn weddill)

Darlith #5 [More4 Rhagfyr 25 1900], 4Player (29 diwrnod yn weddill)

iPlayer

Life: The Challenges of Life (gorffen Rhagfyr 31)

Life: Reptiles and Amphibians (gorffen Rhagfyr 31)

Life: Mammals (gorffen Rhagfyr 31)

Life: Fish (gorffen Rhagfyr 31)

Life: Birds (gorffen Rhagfyr 31)

Life: Insects (gorffen Rhagfyr 31)

Life: Hunters and Hunted (gorffen Rhagfyr 31)

Life: Creatures of the Deep (gorffen Rhagfyr 31)

Life: Plants (gorffen Rhagfyr 31)

Life: Primates (gorffen Rhagfyr 31)

Click: Effeithiau Arbennig ar y Ffilm Avatar (gorffen Rhagfyr 27)

Earth: The Climate Wars - The Battle Begins (gorffen Rhagfyr 22)

Earth: The Climate Wars - Fightback (gorffen Rhagfyr 23)

Earth: The Climate Wars - Fight For The Future (gorffen Rhagfyr 24)

Horizon: The Secret You (gorffen Rhagfyr 28)

Horizon: Fix Me (gorffen Rhagfyr 28)

Horizon: Who's Afraid of a Big Black Hole? (gorffen Rhagfyr 28)

Horizon: Why Do We Talk? (gorffen Rhagfyr 21)

Copenhagen 2009

2009-12-19T09:39:00.010Z

Fel rydych yn gwybod mae cynhadledd y Cenhedloedd Unedig ar newid yn yr hinsawdd yn parhau yn Copenhagen yr wythnos hon. Gallwch ddod o hyd at wybodaeth bwysig yma:

Gwefan Swyddogol y C.U.

Nadolig Llawen a Blwyddyn Newydd Dda

2009-12-18T11:03:00.002Z

Hoffai'r Gyfadran Wyddoniaeth ddymuno Nadolig Llawen a Blwyddyn Newydd Dda i'n Brainiacs ac i weddill blwyddyn 7.

Mwynhewch eich hun - ac os oes cyfle i wneud ambell arbrawf dros y gwyliau - ewch amdani a dewch ag unrhyw luniau i mewn!

Er, plis, plis, byddwch yn ddiogel. Nid yw rhoi tsili mewn pwdin Nadolig mam yn ddoniol ychwaith - er ... na, o ddifri, peidiwch!

Plu Eira Eto!

2009-12-17T16:07:00.004Z

Dim ond gair i ymddiheuro am ddarllediad byw heddiw - oherwydd problemau technegol, nid oedd yn bosib. Rwyf yn ffyddiog bydd y materion hyn wedi'u datrys erbyn ein sesiwn nesaf.

There was no live transmission today due to technical difficulties. Live transmissions will start in January.

Plu Eira Poeth!

2009-12-15T20:01:00.003Z

Heddiw fe greon ni blu eira allan o foracs. Gwnaeth y gwyddonwyr ifainc ferwi ychydig o ddŵr a chreu hydoddiant uwch-ddirlawn. Yna, gadawsant eu plu eira wedi'u gwneud allan o lanhawyr pib, dros nos yn yr hydoddiant.

Wrth i'r dŵr oeri, mae hydoddedd y boracs yn lleihau ac felly mae'n grisialu allan a ffurfio solid ar y glanhawyr pib.

Today we made snowflakes from borax. The young scientists boiled some water and created a supersaturated borax solution and immersed their pipe-cleaner snowflakes overnight. Et voilà!

Pluen Eira

2009-12-12T12:20:00.003Z

Yr wythnos nesaf byddwn yn creu plu eira allan o boracs.

Pasportau Newydd!

2009-12-10T19:23:00.003Z

Rhai o'r merched yn dangos eu pasportau newydd. Caiff y rhain eu defnyddio i gadw trac ar y gweithgareddau maent wedi'u cyflawni.

Some of our female brainiacs modelling the new passports. These will be used to keep track of their activities.

Alwyn Picasso wedi'i ddal am yr Ail Dro!

2009-12-10T15:21:00.004Z

Jiawcs! Dyma Alwyn Picasso yn cael ei ddal yn y weithred eto! Taflu'r allwedd i ffwrdd y tro hwn.

Diolch i Katie am ei chefnogaeth.

Bys ar y Ffugiwr!

2009-12-08T14:47:00.010Z

Wel, cafodd y drwgdybiwr ei ddarganfod mewn amser byr dros ben gan ein ditectifs! Nid oedd 10 munud wedi mynd heibio cyn i'r canlyniadau cyntaf ddod i mewn. Roedd hwn yn syndod, yn enwedig wrth i'r ffugiwr guddio'i inc gydag inc du, felly nad oedd modd ei weld.

Hoffwn ddiolch i Eliza a Jac am eu cymorth.

Alwyn Picasso oedd y ffugiwr heddiw. Tybed pwy a fydd y ffugiwr ar ddydd Iau?

One of the suspects was found out in record time today. Our detectives 'made the perp' in under 10 minutes! Alwyn Picasso was identified as the master forger today. Wonder who the forger will be on Thursday?

Dal y Ffugiwr!

2009-12-05T01:05:00.003Z

Wythnos nesaf byddwn yn ceisio â darganfod y ffugiwr a wnaeth dwyllo pawb wrth beintio hen glasur!

Ysgrifen Tân #2!

2009-12-03T23:26:00.006Z

Yn dilyn llwyddiant ein Clwb, roedd yn rhaid sicrhau sesiwn ychwanegol heddiw. Dyma'r uchafbwyntiau. Diolch i Eliza a Katie am eu cymorth.

Installations from the second Club session this week. Many thanks to Katie and Eliza for their support.

Ysgrifen Tân!

2009-12-01T15:36:00.017Z

Dyma sesiwn arbennig ar gyfer trosglwyddo negeseuon cudd! Roedd y disgyblion wedi ysgrifennu neges gudd wedi gwneud inc arbennig allan o ddŵr a sodiwm nitrad. Roedd y neges yn hollol anweledig. Yna wrth gyffwrdd y neges gyda sblint poeth, gwnaeth gwrid ymledu dros y papur i ddatgelu'r neges wreiddiol.

PEIDIWCH Â THRIO HWN GATRE!

[Ffeil y Weithgaredd]

Mae hwn yn gweithio oherwydd bod sodiwm nitrad yn ocsidydd cryf. Hynny yw, mae'n rhyddhau llawer o ocsigen pan yn boeth ac yn cynnal pethau i losgi.

Llongyfarchiadau i'r tïm a enillodd - roedd eich neges yn hollol glir - yn dyst i'ch gwaith arbennig ar bob cam.

Caiff sesiwn ychwanegol ei chynnig am 13:40 ar ddydd Iau ar gyfer y rhai a fethodd ennill mynediad heddiw.

Today the students participated in some 'fire-writing', using saturated sodium nitrate solution as an invisible ink. As they set fire to the message, the area laden with oxidizing agent (sodium nitrate) burned and charred as the remainder of the paper was left untouched. This allowed the message to be read. This activity was conducted through a civil war scenario, where messages had to be hidden or secret.

DON'T TRY THIS AT HOME!

Owing to the class being over-subscribed, a second session will take place on Thursday at 13:40.

Ysu!

2009-11-28T23:41:00.009Z

Mae'r Gyfadran yn ysu cael cynnal sesiwn arall - yn debyg i chi. Rydym wedi derbyn llawer o geisiadau newydd i gael ymuno â'r Clwb. Os oes gormod o alw am un sesiwn, byddwn yn edrych i ddechrau sesiwn arall ar ddydd Iau.

Byddwch yn sicr i droi lan yr wythnos hon am sesiwn danllyd!

Chi yw'r asiant yn ystod y rhyfel cartref ac mae angen trosglwyddo neges i'ch meistr. Rydych yn gwybod os cewch eich dal, y rhaff sydd yn eich gwynebu!

The Faculty can't wait for the next session! Many more pupils have applied to join the club. We will consider starting another session on Thursdays if we become oversubscribed.

Dianc o'r Ynys!

2009-11-24T19:05:00.011Z

Roedd Brainiacs Cymer wedi'u llongddryllio ar ynys anial a dim ond bresych coch, bambŵ a lemonau a oedd yn tyfu arni. Yn ffodus, roedd bocs creu sebon wedi arnofio i'r traeth a thu fewn i hwn roedd potel o alcali a sampl o sebon.
Y dasg oedd cynhyrchu baner lliwgar i ddenu sylw peilot awyren er mwyn eu hachub.
Gwnaethant ddarganfod yn fuan bod lliw sudd bresych coch (sef glas) yn gallu newid wrth ychwanegu asidau ac alcalïau iddo. Dyma'r lliwiau:

coch - gan ychwanegu sudd lemwn

porffor - gan chwythu carbon deuocsid i'r sudd

gwyrdd - gan ychwanegu sebon

melyn - gan ychwanegu alcali

Mae bresych coch yn cynnyws sylweddau sydd yn ymddwyn fel dangosydd. Mae'r sylweddau hyn yn newid lliw gydag asidau ac alcalïau.

Diolch o'r galon am eich cyfraniad heddiw a llongyfarchiadau i'r grŵp a wnaeth ennill.

The Cymer Science Club was re-launched today and saw many pupils take advantage of our exciting programme. We kicked off with an 'escape from the desert island' activity, using a limited set of materials. Multi-coloured 'escape banners' were produced from red cabbage juice as pupils investigated the effect of adding acids and alkalis. The pupils' enthusiasm and contribution were very much appreciated. Congratulations to the winning group!

[Ffeil y Weithgaredd]

2009-11-23T21:46:00.004Z

Rydym yn gyrru lan i ddechrau yfory! Gobeithio eich bod yn hoffi bresych!

Rydych wedi'ch llongddryllio ar ynys anial a'r unig ffordd i ddenu sylw awyrennau uwchben yw i greu baner lliwgar. Sut ydy'r bresych yn helpu?

PECYN ATHRAWON

2009-11-22T15:59:00.002Z

I bawb a wnaeth gweud y cyfarfod, cofiwch ddod â'ch bonyn llythyr gyda chi cyn neu i'r sesiwn gyntaf. Os ydych wedi colli'r llythyr - mae copi yma.

Bydd y Clwb yn dechrau ar 13:40 Dydd Mawrth, 24ain o Dachwedd. Gwnewch dderbyn pasport er mwyn cadw cofnod o'ch gweithgareddau.

Clwb Gwyddoniaeth Cymer i Gychwyn!

2009-11-02T14:38:00.004Z

Bydd Clwb Gwyddoniaeth Cymer yn cychwyn yn ystod amser cinio ar ddydd Mawrth, 25^ain o Dachwedd ac i redeg yn wythnosol yn dilyn hynny. Croeso mawr i unrhyw un o flwyddyn 7 i'w fynychu.

Bydd y rhaglen yn cynnwys llawer o weithgareddau ymarferol, lle byddwn yn cynnal arbrofion diddorol.