Darlithau'r Nadolig

Mae'r Gyfres ar gael ar iPlayer y BBC:

1. Why Elephants Can't Dance

2. Why Chocolate Melts and Jet Engines Don't

3. I ddod yfory: 20:00 ar BBC4.

Yn ogystal â hyn mae sawl rhaglen arall ar gael, gan gynnwys Wonders of the Solar System:

1. Empire of the Sun

2. Order Out of Chaos

3. The Thin Blue Line

Explorer Dome

Daeth Explorer Dome i'r Cymer heddiw i adloni, diddori ac addysgu rhai dosbarthiadau Blwyddyn 9 a 10. Gyda chymorth EBP, daeth Jim a Louis i gyflwyno hanes ein planed, gan esbonio'i darddiad, symudiad dwr a chreigiau, cyfansoddiad yr atmosffer a newidiadau dros amser. Hefyd cawsom wybodaeth ar esblygiad organebau byw o'r bacteria cyntefig i'r bodau sydd yn rhannu'r Ddaear gyda ni heddiw.

Hoffwn ddiolch i Angela o EBP a Jim a Louis o Explorer Dome am ddiwrnod i'w gofio.

Thank you to Angela, Jim and Louis for a day to remember.

Datgelu Cyfrinachau Cemeg

Diwrnod i'w gofio lawr yng Nghaerdydd dydd Gwener diwethaf. Cynhaliwyd gweithgareddau ar gyfer myfyrwyr Bl.13, gan gynnwys darlithoedd, abrofion ac arddangosfeydd.

Yn dilyn darlith ar echdynnu a syntheseiddio cemegau, cafodd y myfyrwyr gyfle is gynhyrchu limonen, olew anghenraid a ddaw o groen ffrwythau sitrig, gan y broses distylliad ager. Yna gwnaethant gynnal nifer o brofion adnabod ar amryw o gemegau organig - pwysig iawn ar gyfer y modiwl CH4. Ar ôl cinio cafodd y myfyrwyr ddarlith ar sbectrosgopeg CMN (NMR), is-goch a màs, gyda cwis difyr i orffen y sesiwn.

Gwnaeth arolygwyr yr adran dywys y myfyrwyr o gwmpas labordai arbennig lle roedd gwaith CMN a sbectrosgopeg màs yn digwydd.

Hoffwn ddiolch i Peter Hollamby, Eurig Thomas a'r Adran Gemeg, Prifysgol Caerdydd am drefnu'r diwrnod.

Croesawu Blwyddyn 6

O! Dyna le! Awtopsi yn y labordy a gwaith CSI yn dilyn. Pleser oedd croesawu ein blwyddyn 6 heddiw. Cafodd pawb amser da - gan gynnwys yr athrawon.

Cymerodd y disgyblion rhan mewn llawer o weithgareddau fforensig, gan gynnwys canfod gwaed, adnabod olion bysedd, canfod lliwurau mewn inc, profion fflam ar ystod o wenwwynau a phrofi asidedd pridd ar esgidiau'r drwgdybwyr.

Cafwyd Y Parchedig Gwyrdd yn euog o'r drosedd!

[posib bydd lluniau a fideo yn ymddangos os cawn hawl]

Hoffwn ddiolch i aelodau o'r chweched dosbarth am eu gwaith caled. Ni fyddai modd cynnal gweithgareddau o'r math hebddoch chi! Diolch o'r galon.

Nôl o'r Diwedd!

Wel, mae wedi bod yn amser hir gyda'r arholiadau allanol.

Cafodd ein brainiacs dipyn o sioc heddiw - yn llythrennol! Gwnaethom ymchwilio'r generadur van der Graaf.

Ysgrifen Cudd

Gan ddefnyddio ffenolffthaein fel inc a nwy amonia fel datblygydd, roedd modd anfon negeseuon cudd rhwng y Brainiacs.

Diffoddwyr Tân

Gwnaethon adeiladu diffoddwyr tân allan o gwpwl o gemegau. Fflat oedd y canlyniad tan bo ychydig o bucket chemistry yn cymryd drosodd. Yna llwyddiant! Ar ôl dwy awr o lanhau, roedd y lab yn edrych yn weddol. Diolch i bawb a wnaeth gyfrannu.

Tywydd Garw Eto!

Yn dilyn problemau eira (eto!), nid oedd modd cynnal clwb ar ddydd Mawrth. Bydd y clwb yn cwrdd fel arfer ar ddydd Iau.

Gwresogyddion Dwylo

Byddwn yn edrych ar adweithiau cemegol sydd yn rhyddhau gwres. Ein swydd bydd i ddarganfod pa sylweddau yw'r gorau er mwyn twymo'r dwylo ar ddiwrnod gaeafol. Brrrr!

Fideos Chwefror

Tyler Lewis a Celyn Jones
Pŵer

Llofruddiaeth Dr. Du

Gwnaeth y criw ymchwilio i ddulliau fforensig er mwyn dod o hyd at lofrudd. Cafodd gwenwyn ei ddarganfod mewn corff Dr. Du. Roedd 5 drwgdybiwr i'w profi. Cafodd y llofrudd ei ddal gan ddull prawf fflam.

Dr. Du's murderer was discovered using forensic techniques. The 'perp' was eventually found - a dirty rotten lithium poisoner.

Tân Gwyllt a Gwenwyn Lucrezia

Gweld bod y tywydd oer yn parhau, beth am weithgaredd i dwymo pethau lan? Byddwch yn derbyn samplau anhysbys o gemegau a gafodd eu darganfod o gwmpas yr ardal trosedd. Eich swydd chi yw eu hadnabod a rhoi'r bys ar y drwgweithredwr.

Enillydd y Gystadleuaeth Fideo

Yn dilyn llawer fawr o bendroni, dewiswyd ar enillydd.

Llongyfarchiadau i Ben Owen. Caiff gwobr ei chyflwyno yn fuan a bydd ei fideo yn ymddangos ar frig y blog hwn trwy gydol mis Chwefror.

Congratulations to Ben Owen for winning February's Title Video prize.

Twît Twît a "Helo Ffowcs"

Gallwch nawr ein dilyn ar Twitter: @AlCemegol

You can now follow Club updates on Twitter: @AlCemegol

Gwnaethom dreialu'r darllediad byw ddoe a gwnaeth weithio i'r dim - wel bron. Y cam nesaf yw sicrhau ein bod yn gallu cysylltu camera digidol o safon yn hytrach na'r webcam.

The live feed was successfully trialled yesterday. Our next step is to try and connect a high quality digital camera as opposed to a webcam.

Cymysgeddau Isotropig

Wel dyna enw posh! Ha - dim ond blawd corn a dŵr! 'Dwi methu â chofio chwerthin cymaint ers oesoedd!

Mae cymysgeddau isotropig yn caledu wrth iddynt gael eu hysgwyd a gwasgu'n gyflym. Yna wrth atal yr ysgwyd, maent yn meddalu eto ac yn llifo trwy'r bysedd. Tro ar ôl tro ar ôl tro.

Diolch yn fawr i Katie Rumble unwaith eto am ei chefnogaeth.

Isotropic mixtures harden when shaken or 'kneaded'. They revert to liquid form on standing and slip through the fingers. Probably the funniest session yet - I can't remember the last time I laughed this much.

Fideos ar y Ffordd!

Dyma Fideos ein Brainiacs

"Area 51 Element 115"

gan Ben Owen

"Jeli Tedi"

gan Tyler Lewis

Os hoffech gyfrannu, ewch at bost animoto

Y Stwff Gwyn

Yn anffodus, oherwydd y tywydd garw, bydd angen gohirio'r Clwb cyntaf tan yr wythnos nesaf. Bŵ, his! Felly dechrau nôl ar ddydd Mawrth 26fed o Ionawr.

Animoto

Iawn Brainiacs! Eich cyrch, os ydych am ei dderbyn, yw creu fideo 30 eiliad am unrhyw agwedd o wyddoniaeth. Bydd gwobr am yr un gorau a chaiff ei osod ar frig y dudalen hon dros fis Chwefror.



1) Cofrestrwch ar http://animoto.com gyda chaniatâd rhiant.
2) Casglwch luniau (a/neu clipiau fideo) a'u lanlwytho i'r safle.
3) Dewiswch gerddoriaeth i fynd gyda'r clip.
4) Postiwch yr 'url' fel sylw i'r post hwn,

e.e. Clip Alan Davies: http://animoto.com/play/yc5gfYNOYRv20rqvLf29Lg

Cafodd y fideo ar frig y dudalen hon ei greu gan animoto. Simples. Ttchh.

Cofiwch - unrhyw beth i wneud gyda gwyddoniaeth, e.e. y gofod, anifeiliaid, planhigion, arbrofion, ffrwydradau, llosgfynyddoedd ac yn y blaen.

Bydd y gystadleuaeth yn cau ar ddydd Gwener, 29ain o Ionawr, 2010.

This is a competition open to all Year 7 pupils. Open an animoto.com account (with parent's permission of course), create a 30 second video on any aspect of science. Enter the pupil's name and URL as a comment ('sylw' below) to this post. Closing date: Friday, 29/1/2010. A prize will be awarded for the best entry, and will feature as February's headline video on this blog.

Fideo i ddangos sut i roi'r ddolen yn y sylw / How to place the video link in the comments section

Clwb Cyntaf

Bydd y sesiwn cyntaf y flwyddyn yn digwydd ar y 12fed o Ionawr.
Rhywbeth i'w wneud yn y cyfamser:

Jig-so Clwb yn Ffradach!

Crogi Offer y Labordy!